Sequentes igitur sanctos patres, unum eundemque confiteri Filium et Dominum nostrum Jesum Christum consonanter omnes docemus, eundem perfectum in deitate et eundem perfectum in humanitate; Deum verum et hominem verum eundem ex anima rationali et corpore; consubstantialem Patri secundum deitatem, consubstantialem nobis eundem secundum humanitatem; 'per omnia nobis similem, absque peccato' (Heb. iv.): ante secula quidem de Patre genitum secundum deitatem; in novissimis autem diebus eundem propter nos et propter nostram salutem ex Maria virgine, Dei genitrice secundum humanitatem; unum eundemque Christum, filium, Dominum, unigenitum, in duabus naturis inconfuse, immutabiliter, indivise, inseperabiliter agnoscendum: nusquam sublata differentia naturarum propter unitionem, magisque salva proprietate utriusque naturæ, et in unam personam atque subsistentiam concurrente: non in duos personas partitum aut divisum, sed unum eundemque Filium et unigenitum, Deum verbum, Dominum Jesum Christum; sicut ante prophetæ de eo et ipse nos Jesus Christus erudivit et patrum nobis symbolum tradidit.
Халкидонское определение (451), древний латинский перевод · Definition of the faith
Вид текста
Размер шрифта: 19px
Перейти к месту
То же место в другом издании
Опорное место: CHALC451.1
Нажмите на номер или текст фрагмента, чтобы выбрать его.
Источник и условия: Халкидонское определение (451), древний латинский перевод · общественное достояние · Symbolum Chalcedonense, versio Latina. In: Philip Schaff, The Creeds of Christendom, vol. 2 (Harper 1877; 4th ed. rev. D. S. Schaff 1919). Digital text: Christian Classics Ethereal Library plain-text edition (Rights: Public Domain), as mirrored unchanged in Clear-Bible/genesis-ai-datasets (commit 19289ed). · условия · источник
Закладки, заметки и место чтения хранятся только в этом браузере.