Перейти к содержанию

1Cor · 13

Вид текста

Размер шрифта: 19px

Перейти к месту
То же место в другом издании

Опорное место: 1Cor.13.1

Сравнить рядом

Нажмите на номер или текст фрагмента, чтобы выбрать его.

εαν ταις γλωσσαις των ανων λαλω · και των αγγελων · αγαπην δε μη εχω γεγονα χαλκος ηχων η κυμβαλον αλαλαζων
καν εχω προφητειαν και ιδω τα μυστηρια τ̣αυ̣τα ·· και πασαν την γνωσιν · καν εχω πασαν την πιστιν · ωστε ορη μεθιστανειν αγαπην δε μη εχω ουθεν ωφελουμαι ·
Примечания источника · 1
  • correction (not in the text): corrector (1)
καν ψωμισω παντα τα υπαρχοντα μου · καν παραδω το σωμα μου ινα καυχησωμαι αγαπην δε μη εχω ουθεν ωφελουμαι ·
η αγαπη μακροθυμει · χρηστευεται · η αγαπη ου ζηλοι η αγαπη ου περπορευεται · ου φυσιουται ·
ουκ ασχημονει · ου ζητει τα εαυτης · ου παροξυνεται · ου λογιζεται το κακον ·
ου χαιρει επι τη αδικια συγχαιρει δε τη αληθεια ·
παντα στεγει· παντα πιστευει · παντα ελπιζει · παντα υπομενει ·
η αγαπη ουδεποτε πιπτει · ειτε δε προφητια καταργηθησονται · ειτε γλωσσαι παυσονται ειτε γνωσεις καταργηθησονται
εκ μερους γαρ γινωσκομεν και εκ μερους προφητευομεν ·
οταν δε ελθη το τελειον το εκ μερους καταργηθησεται
οτε ημην νηπιος ελαλουν ως νηπιος · εφρονουν ως νηπιος ελογιζομην ως νηπιος · οτε γεγονα ανηρ κατηργηκα τα του νηπιου ·
βλεπομεν γαρ αρτι δι εσοπτρου εν αινιγματι · τοτε δε προσωπον προς προσωπον αρτι γεινωσκω εκ μερους τοτε δε επιγνωσομαι καθως και επεγνωσθην ·
νυνι δε μενει πιστις ελπις αγαπη · τα τρια ταυτα · μειζων δε τουτων η αγαπη

Источник и условия: Александрийский кодекс (A, 02): транскрипция INTF NT.VMR · CC BY 4.0 · INTF NT.VMR transcription of Codex Alexandrinus (A, 02) (docID 20002), Institut für Neutestamentliche Textforschung, Münster; Creative Commons Attribution 4.0 Unported License (https://creativecommons.org/licenses/by/4.0/); 2026 Institut für Neutestamentliche Textforschung. · условия · источник

Закладки, заметки и место чтения хранятся только в этом браузере.